Antonio cabello
Antonio Cabello Bujalanceko (Kordoba, Espainia) jornalari bat zen. Juana Linaresekin ezkondu eta hiru seme izan zituzten. Altxamendu faxistaren garaian Bujalance puntu beroa izan zen. Faxisten aurrerakadarekin handik ihes egin behar izan zuten "gorriekin". Linaresera joan ziren.
Antoniok familia eta amona bere kargu zituenez, ez zuten frentera bidali mehatzera lanera baizik. Egun batean mehatzera bidean zihoan kamioiak istripu larria izan zuen. Hainbat lagun hil ziren. Antonio berriz Kordoban ospitaleratu zuten. Luzaroan egon zen ospitalean eta ordurako Kordoba faxisten esku zegoen. Alta eman behar ziotenean konfesatzea eskaini zioten Antoniori. Antonio berriz ez zen fededuna, ezkondu ere zibiletik ezkondua zegoen. Ukatu egin zuen konfesioa. Haren seme Antonio Cabello Linaresek dio horregatik hil zutela xiringa batekin.