Eulogio Esturo Zamalloa
Eulogio Esturo Zamalloa, Zearrena baserrian jaio zen. Ikasketaz itsas-makinista, Durangon, ferrokarrilean aritu zen lanean gerra aurretik. Ideologia sozialistako militantea zen eta UGTko kidea. Altxamendu faxista eman zenean UGTko 1. batailoiarekin burrukatu zen frentean. Santanderren atxilo hartu eta bost urte pasa egin zituen kartzelan. Kartzelatik irteterakoan luzaroan egon zen lanik aurkitu ezinik, hain zuzen ere, kartzelatik pasa izanagatik. Gaixotasun batek hartuta, gazterik hil zen, berrogeita zortzi urterekin.