Kepa Ormaetxe Aldana ( Aita Lontzi )
Boroako Zugetza baserrian jaio zen Kepa Ormaetxe Aldana. Gerora, fraide karmeldar legez Aita Lontzi izenagaz ezagunagoa izango zen euskaltzale eta idazlea. Larreako konbentuan zegoen faxistak Zornotzan sartu zirenean. Haren izena atxilotzeko zerrenda batean zegoelakoan, kide batzuekin ihes egin zuen bere nagusien aginduei entzungor, eta Agenen, Frantzian, egon zen pare bat urtez. Handik Txilera jo zuen eta Melón herrian administrazio lanetan aritu zen lehenik. Gero, Viña del Mar herrian erlijio lanei berrekin zien. Bertan hil zen.
Kepa Ormaetxe Aldanaren wikipediako sarrera hemen.