Kristina Mardaras Sedrun Oromiño auzokoa da baina Amorebieta-Etxano partekoa. Katia izeneko baserrigunean jaio zen 1948an. Gerra garaiko kontuez etxean eta berandu entzundako kontuak dakizki. Gerrak ekarri zuen diktadura luzeari buruzkoak berriz, lehenengo pertsonan bizitakoa da. Gaztetatik euskara eta euskal kulturaren munduan murgildua, Herri Gaztedikoa izana, alfabetatze mugimenduaren sorreran aritua, Gerediaga ...
Domeka honetarako irgarrita genuen "Agurrik gabeak" ekitaldia bertan behera uztera derrigortuta gaude osasun egoera dela-eta. Halaxe eskatu digu Durangoko udalak eta egoki iritzi diogu Durango 1936 elkartetik ere.
Aurten betetzen dira 80 urte Durangoko emakumeen kartzela itxi zutenetik. Neverseko mojen komentuan jarri zuten faxistek kartzela hori eta estatuko punta guztietatik ekarri zituzten emakumeok. Maria Gorosarrik, EHUko irakaslea eta Durango 1936 elkarteko kidea bera, idatzi du kartzela hari buruzko sarrera interesgarri bezain ezinbestekoa hau.
Laurogeita lau urte atzera, 1936ko irailaren 25ean faxisten hegazkinek lau bonba jaurti zituzten Durangon, horietako bat Ezkurdiko frontoian. Hamabi lagun hil zituen bonba horrek. Frontoian pilotan eta inguruan atseden hartzen ari ziren milizianoak eta errefuxiatuak izan ziren hildakoak. Tartean ez zegoen durangarrik. Hildako milizianoen kideek, mendekuz, Durangoko kartzela asaltatu eta preso zeuden hogeita bi durangar bertatik atera eta uriko kanposantuan fusilatu zituzten.
