Hilaren 22an ospatuko da aurtengo Castet Eguna Zaldibarren. Hogeita seigarren ekitaldia izango da aurtengoa. Goizeko 10:00etan udaletxeko plazan egina dago zita Santamañezarrera igotzeko. Tontorrean ikurriña jarri eta argazkia egin ostean, berriro ere herrian hainbat ekintza antolatu ditu Castet Elkarteak: lore esakintza udaletxeko plazan, kalejira eta ekitaldia 13:00etan Castet elkartean. Ondoren bazkaria izango da.
Agustin Eskubi Urtiaga zenaren alaba elkarrizketatu du anboto astekakariak martxoaren 23ko alean. Habana itsasontziak Ingalaterrara eroan zuen Agustin Eskubi 16 urte zituela. Han bizi izan zen geroztik aurtengo martxoaren 12an zendu zen arte.
Teresa Setien Piedra (martxoak 7) eta Agustin Eskubi Urtiaga (martxoak 12) hil berri zaizkigu. Biek ala biek modu gordinean pairatu zituzten 1936ko altxamendu faxistaren ondorioak.
Teresaren aita, Hilario Setien, 1937ko bonbardaketan hil zuen abiazio faxistak eta beste familiako kide batzuk ere galdu zituen.
Agustin Eskubiren anaia, Juan Eskubi fusilatu egin zuten faxistek eta Agustin, gazte gazterik Ingalaterrara joan zen gerratik ihesi. Bertan bizi izan da geroztik eta bertan eman du azken hatsa.
Durangoko Alkateak, Durangoko alderdi politikoekin eta hainbat elkarterekin adostuta, kereila jarri zuen Durangoko epaitegian 2017ko uztailaren 18an bonbardaketak egin zituzten pilotu eta abiadore italiarren aurka.
2018ko urtarrileko 11ko dataz Durangoko epaitegiko epaileak auzi-jartzearen behin-behineko artxibatzea erabaki du, horretarako jarraian azaltzen dituen argudioak erakutsiz.
Gaur, urtarrilak 22, Durango 1936 elkarteko ordezkaritza bat Bartzelonara hurbildu gara, bertan, Modelo Kartzelan II Trobada Xarxa de Ciutats contra la Impunitat Franquista jardunaldia garatzen ari baita.
Domeka honetan, urriak 29, "Agurrik gabeak", borrokalari antifaxisten omenezko X. ekitaldia egingo dugu Durangoko Plateruena Kafe Antzokian. Aurtengo ekitaldiaren gai nagusia etxean jasotako oroimenaren transmisioa izango da.
Angeles Mora Puertollanokoa zen (Ciudad Real, Espainia). 1940. Urtean, ordea, Durangoko emakumeen kartzelan egon zen preso. Eta gutxi dira izen-abizenez ezagutzen ditugun Durangoko emakumeen kartzelan egondako emakumeak (Vicenta Garnika Laserna durangarra bat).
Urriaren 6an Benita Uribarrena Bollaini egindako omenaldian, haren alaba Marina Fusterrek eman zigun Angeles Moraren berri, lagunminak baitziren Benita eta Angela. Hona hemen geroztik bildu ditugunak.
Joa den barikuan (urrriak 6) Benita Uribarrena parkea inauguratu zen Durangon. Benita Uribarrena Bollain Durangon jaiotako komunista borrokalari nekaezina izan zen. Durangoko bonbardaketren ostean herritik alde egin behar izan zuen familiak eta geroztik erbestean bizi izan zen. Familia guztiarekin batera, eta militante komunista legez, Francoren diktaduraren eta nazien okupazioaren aurka borrokatu zuen.
Senideak antolatu dira Zornotzan orain 80 urte faxistek fusilatu zituzten euren arbasoei omenaldia egiteko, merezi zuten omenaldia egiteko, herritarren aurrean Zornotzan egundo egin ez zaiena.
Antza, lau izan ziren faxistek fusilatu zituzten zornotzarrak: Luziano Iturrieta Mendizabal, Bonifazio Ormaetxe Aldana, Leon Urtiaga Elezburu edo Aita Roman eta Zezilio Zabala Arizmendiarrieta.
Berrizko herriak 1936ko estatu kolpe faxistari aurre egitearren fusilatutako, kartzelan edo frentean hildako, zein biktima izandako berriztar guztiak oroitzeko eta gorazarre egiteko ekitaldia egingo du beste behin ere, datorren astelehenean, irailak 11.